eGUX Hybrid – Sisimiut

eGUX hybridklasse-p atuartut inersimasut eqaannerusumik Sisimiuni eGUX - angerlarsimaffimmiit atuarnertulli periarfississavai - GUX Sisimiuni timitalimmik klassimi atuartitsissutinut ilaasinnaanermut periarfissiilluni.

GUX Sisimiuni aggustimiit 2025-miit ilinniarnermik neqerooruteqassaaq eGUX Hybrid-imik taaguuteqartumik, tassani atuartut inersimasut Sisimiuneersut sapaatip akunneranut angerlarsimaffimminni onlinekkut ilinniartarlutik, taamatullu aamma sapaatip akunnera klassemut takkullutik peqataasarlutik.

Tamanna eGUX-imut nalinginnaasumik ullut tamaasa internetikkut angerlarsimaffimmiik atuartsinneqartarnerata paarlattuanik ingerlariuseqarpoq.

Sisimiuni najugaqarlutik atuartunut, sammivinnik pingasunik aallaqqaammut pilersitsissaagut, timitalimmik atuartitsineq GUX Sisimiuni ingerlanneqassalluni.

eGUX Hybrid misiliutaassaaq hybrid-klassimik isumassassarsiaq ilinniaatigaluni najugaqarfigisani allanut ilinniarfinnullu allanut atorneqarlunilu nuunneqarsinnaanersoq. Soorlu assersuutigalugu Kalaallit Nunaata kangiani Tasiilami assingusumik takorloorsinnaavarput aaqqissuussisoqarsinnaaneranik.

2-årige sammivik kulturi (atuartitsissut nummer 110102) pilersissavarput, taanna sammivik eGUX-imi ilinniartitsissutit nuannarineqarnerpaammat qinnutigineqarnerpaasarlunilu.

eGUX-imi atuartut akornanni akisassanik apeqquteqaasiorneq aallaavigalugu misissuinermi eGUX hybridklassi isumaqatigineqartorujussuuvoq, tassani onlinekkut atuartitsinermut atatillugu timitalerlugu naapeqatigiittarnissaq isumalluarnartoqartinneqartorujussuuvoq.Oqariartuutigineqartut ilagaat: ”Taava immitsinnut ikioqatigiissinnaavugut” aamma ”Ilinniartitsisumit ikiorneqarnissaq ajornannginnerulissaaq”. Ataani assersuusiaq takuneqarsinnaavoq skema sapaatip akunneranut qanoq eGUX hybrid klasse-mi isikkoqarsinnaanersoq.

Akisassanik apeqquteqaasiornermi misissuineq aallaavigalugu atuartuutigineqalertussat "imaassinnaasoq" sapaatip akunneranut ullut marluk GUX Sisimiuni (marlunngorneq pingasunngornerlu) takkullutik atuartinneqartassasut, sapaatillu akunneranut ullut pingasut angerlarsimaffimminniit 100%-imik onlinekkut atuartinneqarlutik suliaqartinneqartassallutik.

Skema assersuusiaq