eGUX tassaavoq internettikkut ilinniarnertuunngorniarneq Sisimiunilu GUX-imut immikkoortuulluni. eGUX 2018-imi aallartippoq massakkullu 150-it missaannik Kalaallit Nunaannit tamaneersunit ilinniarnertuunngorniartoqarluni. Amerlanersaat inersimasuupput ilinniartitseriaaseq taannarpiaq internettikkoortoq inuunermi killiffimminnut tulluartikkamikku, kikkulluunniilli tamarmik tikilluaqqusaapput qinnuteqarnissamut. eGUX-imi naammassisimasut ilaat massakkut ilinniaqqillutik ingerlaqqinnikuupput soorlu ukunani: ilinniartitsisutut, perorsaasutut, inatsisilerisutut, inulerisutut, kulturimik inuiaqatigiillu oqaluttuarisaaneranik ilisimatusarlutik, procesteknologitut allatullu.
eGUX-imi ukiut marluk imaluunniit pingasut atorlugit ilinniarnertuunngorniartoqarsinnaavoq. Ukiut marluk atorlugit ingerlataq piffissamik atuinartorujussuuvoq, ukiunili pingasuni ingerlataq kigaannerulaartumik ikorfartorluakkamillu ingerlanneqartarpoq. eGUX qaffassarnermut faginilluunniit ataasiakkaanik ingerlataqarusuttunut atorneqarsinnaavoq. eGUX-ittaaq misiliutitut, tassa siullerpaamik ilinniarnertuunngorniarfimmi fag-imik ataatsimik misileerusuttunut qinnuteqarfiusinnaavoq. Uani atuarsinnaavatit suut. Uani nangillugu atuarit