eGUX-imi ilinniartuuneq qanoq ittuua?
Kalaallit Nunaannersuunik 24-t missaannik atuaqateqalissaatit. Amerlanersaat inersimasuupput ilaqutallit meerallillu. Ullut tamaasa Zoomikkut skemamiittut malittarineqartassapput. Taamaattumik ingerlanniarukku piumasaqaataavoq computerit assiliivittaqassasoq internetteqarlunilu. Suliassat tunniussassat piffissaqarfiginissaat aaqqissuussassaapput. Taama ilinniagaqarneq nammineq ilinniarnermik taaneqartarpoq. Suliassat atuaqatinik suleqateqarluni kisimiilluniluunniit suliarineqarsinnaapput. eGUX-imi suleqateqartaraanni online-kkut atuaqatinik attavigilluakkanik pilersitsisoqarsinnaavoq.
”
eGUX-erama ikinngutitaarpunga piviusumik naapinnikuunngikkaluarlugit.
– Ilinniartuusimasoq
Uani takuneqarsinnavoq tuluttut eGUX-imi Zoomikkut ilinniartitsineq.
Fagit sorliit qinerneqarsinnaappat?
Uani takusinnaavat fagit eGUX-imi sammivinni assigiinngitsuni
Aajuna assersuut eGUX-imi 1.g-klassemi sapaatip akunnerani ingerlanneqartoq
Sapaatit akunnerini ilinniartitsinerit uani skemami takusinaavatit. Akunnerni ima allaqqasumi ’selvstudie’ (nammineq sulineq) ilinniagassalerisoqartarpoq, piareersartoqartarpoq tunniussassanillu sulisoqartarluni. Suliassat piffissami allami suliarineqartarsinnaapput naatsorsuutigissavalli eGUX-imi suliassat ulloq naallugu sulisarnermut 8:00 – 16:00-mut eqqarsaataasoq.
”
eGUX-imi suliassaqarnaqaaq ilikkagassaqarnaqalunilu, massakkut ilinniartsitsisunngorniarpunga
– Ilinniartuusimasoq
Angerlarsimaffimmit sulineq
Pingaaruteqarpoq pitsaasumik angisuumillu internettimut attaveqarnissaq, computeri assiliititalik aamma mikrofonitalillu piginissaat ilinniagaq ingerlatissagaanni. Pingaaruteqarportaaq eqqissisimasinnaaneq ajoqusersorneqarani ilinniarnissamut. Naatsorsuutigineqarpoq meeqqat ilinniarnerup nalaanni meeqqerivinni paarineqartassasut eGUX-ernerup nalaanni qanorluunniit angerlarsimaannartigigaluaraanni.
”
Aallarteqqaarama computeri teknikkilu artorsaatigigaluarpakka massakkulli pikkoriffigilernikuuakka.”
– Ilinniartuusimasoq
Misilitsinnerit terminsprøvillu
Misilitsinnerit tamarmik Zoom-ikkut angerlarsimaffimmiit ingerlanneqartarput. eGUX-imi soraarummeernerit katillugit arfineq pingasut ingerlanneqartarput.
Sisimiuni laboratoriamiinneq
Science-linje qinersimagukku sapaatit akunneri marluk Sisimiuni laboratoriamut misiliiartornissaq ukioq kingulleq biologi kemi-lu ingerlanneranni.