Ukiuni marlunni ilinniarnertuunngorniarneq ’Sciense’ sammivigalugu biologi B-mik kemi C-millu ilaqarpoq. Ilinniagaq piffissamik ilivitsumik sivisussuseqarpoq internettikkullu ingerlanneqartarluni. Ilinniassagaanni internetteqartariaqarpoq nammineerlunilu computereqartariaqarluni assiliititalimmik. Ilinniagaq Kalaallit Nunaanni, Danmarkimi nunanilu avannarlerni ilinniaqqinnissamut isissutaasinnaavoq.

Klasseni internettikkut ingerlanneqartuni ilinniartitsisoqartarpoq ilinniutillu internettikkut pissarsiassaasassallutik. Ilinniarnertuunngorniarnermi nammineq computereqartariaqarpoq assiliivittalimmik internettimullu attaveqarluni. Misilitsinnerit soraarummeernerillu aammattaaq internettikkut ingerlanneqartarput. Ullut tamaasa ilinniartitsisut ilinniartoqatillu attaveqatigiittarput. Ilinniarnertuunngorniarneq tapiissuteqarfigineqartarpoq tassanilu piumasaqaataavoq ilivitsumik ilinniarnertuunngorniartuunissaq ilaajuarnissarlu tapiissummik tigusisuussagaanni. Tamanna isumaqarpoq ilinniartitsisoqartillugu ilaajuarnissaq tunniussassanillu tunniussisarnissaq.

Una sammivik ilaaffiginiaraanni piumasaqaataavoq Sisimiuni laboratoriami sapaatit akunnerisa marluk missaanni sungiusarneq, ilinniarnerup ukiuata aappaanni.

Fagit assigiinngitsut uani takuneqarsinnaapput: